Бірнеше жылдар бойы, 1997 жылға дейін кәсіпорын Ресейдің бірқатар аймақтарында, атап айтқанда Мәскеу, Орынбор, Челябинск, Пермь, Свердлов облыстарында, сондай-ақ Башқұртстан Республикасында жұмыс істеді және өз бөлімшелері болды.
Ұжымның қалыптасуында, компанияны басқаруға және жол жабындарын салу технологиясына жаңа тәсілдемелерде шешуші кезеңдердің бірі Семей қаласында (1999-2001) Ертіс өзені арқылы өтетін аспалы көпір құрылысының жобасын іске асыруға қатысу болды, онда бас мердігер жапондық «IHI» фирмасы болды.
Бұл компанияның халықаралық стандарттар бойынша құрылысты жүзеге асырудағы алғашқы қадамдары болды.
Жаңа технологияларды игеруде іргелі кеңестік инженерлік мектеп маңызды рөл атқарды. Жобаны орындау барысында Германия, АҚШ және басқа да алыс шет елдердің алдыңғы қатарлы компанияларының қазіргі заманғы жол-құрылыс техникасын сатып алу қажеттілігі туындады.
Ұжымның беріктігін сынаудағы келесі қадам – ұшу-қону жолағын, рульдеу жолдарын және Астана халықаралық әуежайының перронын қайта жаңартуға қатысу болды. Қайта құру барысында асфальтбетонды қоспаларды өндіру кезінде «Кратон» полимерлі қоспаларын қолдану, асфальтбетонды геосеткамен арматуралау сияқты кейбір жаңалықтар пайдаланылды. Жобаның бірегейлігі ұшу-қону жолағын қайта жаңарту бойынша барлық жұмыстар әуежайдың ұшу пайдалануын тоқтатпастан орындалуында болды. Жұмыстар таңғы сағат 8: 00-ден басталып, сағат 21:00-ден кейін тұрақты әуе рейстері жүргізілді.
2004-2005 жылдары Ақтөбе халықаралық әуежайының ұшу-қону жолағын, рульдеу жолын және перронын қайта жаңарту жүргізілді. Осы нысанды қайта құру кезінде ПАГ-18 және ПАГ-14 темірбетонды әуеайлақ плиталары пайдаланылды. Бұл нысанда басқа талаптар болды, сондықтан ұшу-қону жолағын пайдалану тура 72 күнге тоқтатылды. Барлық жұмыстар белгіленген мерзімде орындалды.
2006-2007 жылдары Шымкент қаласының әуежайында аэродромды қайта жаңарту жүргізілді, онда сондай-ақ ПАГ-18 және ПАГ-14 аэродром плиталары қолданылды.
2006-2009 жылдары Көкшетау арқылы алты жолақты қозғалысы бар “Астана — Петропавл” автомобиль жолының 7-57,4 км учаскесін қайта жаңарту жүргізілді, онда біз Қазақстанда алғаш рет цемент-бетоннан жол жабындарын орнату технологиясын қолдандық.
2008-2010 жылдары Қызылорда қ. “Қорқыт Ата” әуежайындағы аэродромды қайта жаңарту жүргізілді.
2010-2012 жылдары Көкшетау әуежайындағы аэродромды, «Астана – Петропавловск – Ресей Федерациясының шекарасы, оның ішінде Көкшетау, Петропавл қалаларының айналма жолдары», «Астана – Петропавловск Көкшетау арқылы» автожолының 304.2-313 км учаскелері және 2.7-9 км (ПК 67 + 78) «Көкшетау – Кішкенекөл – Ресей Федерациясының шекарасы» тас жолының бойында қайта құрастыру жұмыстары орындалды.
2010-2013 жылдары “Батыс Еуропа – Батыс Қытай” халықаралық транзиттік дәлізінің “ОҚО — Тараз шекарасы” учаскесін (Жамбыл облысындағы учаске) 536-593 км цемент-бетон жамылғысын қайта жаңғырту орындалды.
2012-2013 жылдары Тараз және Талдықорған қалаларындағы әуежайларды, “Алматы-Өскемен” автожолының 118-259 км 118-149,149-180,180-213 учаскелерін қайта жаңарту жұмыстары басталды.